Yuxarı
    Bağlamaq

    Vergilər naziri Göygöldə vətəndaşları qəbul edəcək

    Qəbula yalnız Göygöl, Gəncə, Samux, Goranboy və Daşkəsən rayonlarından olan vətəndaşlar yazıla bilər

    Bakı. 8 noyabr. REPORT.AZ/ Noyabrın 11-də vergilər naziri Fazil Məmmədov Göygöl rayonunda bu regiondan olan vətəndaşları qəbul edəcək. Bu barədə “Report”a Nazirlikdən məlumat verilib.

    Məlumata görə, nazirin qəbulu Göygöl şəhəri, Heydər Əliyev Parkı, Hummel küçəsi, 3 ünvanında yerləşən Heydər Əliyev Mərkəzində baş tutacaq. Qəbula yalnız Göygöl, Gəncə, Samux, Goranboy və Daşkəsən rayonlarından olan vətəndaşlar yazıla bilər.

    F.Məmmədov vergilərin hesablanması, ödənilməsi, vergi nəzarəti tədbirləri sahəsində sahibkarların qarşılaşdıqları problemlər, vergi qanunvericiliyinin və inzibatçılığının tətbiqi və vergi ödəyicilərinə göstərilən xidmətlərlə bağlı müraciətlərə baxacaq.

    Qəbula yazılmaq istəyən vətəndaşlar Vergilər Nazirliyinin 195 Çağrı Mərkəzi, 12 saylı Ərazi Vergilər Departamenti, Yeni Gəncə Vergi Ödəyicilərinə Xidmət Mərkəzi və Goranboy rayonu Vergi Ödəyicilərinə Xidmət Mərkəzi vasitəsilə əlaqə saxlaya bilərlər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi