Yuxarı

​Türkiyədə dollar sürətlə bahalaşır

Türkiyəli ekspertlər tezliklə dolların 3,15 və 3,60 lirə səviyyəsinə qədər bahalaşacağı proqnozunu veriblər

Bakı. 20 avqust. REPORT.AZ/ Bu gün Türliyə valyuta birjasında aparılan hərrac zamanı ABŞ dollarının məzənnəsi 3 lirəyə yüksəlib. Lakin sonradan məzənnə 2,91-ə qədər geriləyib. "Report"un Türkiyə mediasına istinadən verdiyi xəbərə görə, dolların bahalaşmasının əsas səbəbi Asiya bazarlarında aparılan əməliyyatlarda lirənin satışının artması ilə bağlıdır.

Məlumata görə, bu gün səhər saatlarında Türkiyədə 1 ABŞ dollarının məzənnəsi 3,002 TRY/USD-yə yüksəlib və yerli vaxta saat 07:46-dan sonra yenidən ucuzlaşmağa başlayıb.

Türkiyə Mərkəzi Bankının məlumatına görə, hazırda birjada dolların alışı 2,9009, satışı isə 2,9061 TRY/USD məzənnəsi ilə aparılır.

Türkiyəli ekspertlər tezliklə dolların 3,15 və 3,60 lirə səviyyəsinə qədər bahalaşacağı proqnozunu veriblər.

Qeyd edək ki, son bir ildə dollar 36,2% bahalaşaraq 2,1610 lirədən 2,9440 lirəyə çatıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi