Süleyman Kələşov: “Aqrar sektora ildə 1 mlrd. manat kredit lazımdır”

Bakı. 23 noyabr. REPORT.AZ/ “Hesablamalarımıza əsasən, Azərbaycanda kənd təsərrüfatı sahəsinə ildə, təxminən, 1 mlrd. manat kredit lazımdır”.

"Report" xəbər verir ki, bunu Azərbaycan Mikromaliyyə Assosiasiyasının (AMFA) İdarə Heyətinin (İH) sədri, “Aqrarkredit” QSC bank olmayan kredit təşkilatının (BOKT) İH-nin üzvü Süleyman Kələşov deyib.

Onun sözlərinə görə, hazırda ölkədə aqrar sektorun maliyyələşdirilməsi ilə bağlı vəziyyət qaneedici deyil: “Ölkə üzrə ümumi kredit portfeli 11,7 mlrd. manatdır. Bunun isə cəmi 600-700 mln. manatı kənd təsərrüfatı məhsulları istehsalçılarına ayrılıb. Ən çox kredit isə emal sahəsinə verilib”.