Yuxarı

Rusiyada uçot dərəcəsi azaldılıb

Rusiyada uçot dərəcəsi azaldılıb

Bununla bağlı qərarı Rusiya Mərkəzi Bankının (RMB) Direktorlar Şurası bu gün qəbul edib

Bakı. 24 mart. REPORT.AZ/ Rusiyada uçot dərəcəsi 0,25% azaldılaraq 9,75%-ə endirilib.

“Report” xəbər verir ki, bununla bağlı qərarı Rusiya Mərkəzi Bankının (RMB) Direktorlar Şurası bu gün qəbul edib.

Qərar martın 27-dən qüvvəyə minəcək. Xatırladaq ki, Rusiyada uçot dərəcəsi sonuncu dəfə ötən ilin sentyabr ayında 0,5% azaldılmışdı. Bugünki iclasla bağlı proqnozlar əsasən uçot dərəcəsinin sabit saxlanılacağı istiqamətində olsa da, onlar özünü doğrultmayıb.

RMB bəyan edib ki, ölkədə inflyasiya templəri gözləniləndən də tez zəifləyir, iqtisadi aktivliyin bərpası davam edir. Bu şərtlərlə sərt pul-kredit siyasətinin yumlaşdılması ilin sonuna qədər 4%-lik qiymət artımına nail olmağa imkan verəcək. Bununla yanaşı, inflyasiyanın proqnozlara nisbətən gələcək dinamikası qiymətləndiriləcək və bunun nəticəsindən asılı olaraq ilin 2-3-cü rüblərində uçot dərəcəsinin bir qədər də aşağı salınması mümkündür. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Tərəfdaşların xəbərləri


Xəbər lenti

Son xəbərlər



Orphus sistemi