Yuxarı
    Bağlamaq

    ​Rusiyada sərvətlərin 85%-i milyarderlərə məxsusdur

    Türkiyə bu siyahıda üçüncü, Belçika isə sonuncudur

    Bakı. 17 oktyabr. REPORT.AZ/ Rusiyanın dövlət sərvətinin 84,8%-i milyarderlərə məxsusdur. "Report"un məlumatına görə, bu barədə "Credit Suisse" təşkilatının ölkələrin və milyarderlərin sərvətləri haqqında hazırladığı hesabatda deyilir.

    Hesabatda sərvətinin 10%-i və daha çox hissəsi milyarderlərə məxsus olan ölkələrin adı açıqlanıb. Siyahıda Rusiya Federasiyası 84,8%-lə birinci yerdədir. Siyahıda ikinci 77,7%-lə Türkiyə, üçüncü isə 77,5%-lə Hon-Konqdur.

    Bununla yanaşı bildirilir ki, ABŞ 74,6%-lə 7-ci, Belçika isə 47,2%-lə sonuncu 46-cı pillədədir. Hesabatda həmçinin adları qeyd edilən ölkələrin 2000-2014-cü illərdə mal varlıqlarının varlıların hesabına necə dəyişdiyi də qeyd edilib. Rusiyada bu rəqəm 7,7%, Türkiyədə 11% artdığı halda, ABŞ-da heç bir dəyişiklik olmayıb. Bəzi ölkələrdə isə azalma müşahidə edilir. Belə ki, bu göstəricilər Belçikada 0,3%, Yaponiyada 2,5%, İtaliyada 1,1% azalıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi