Yuxarı

Rusiyada dollar sürətlə bahalaşır

Psixoloji hədəfi keçən məzənnə artıq tarixi maksimuma doğru irəliləyir

Bakı. 28 dekabr. REPORT.AZ/ Rusiyada ABŞ dollarının birja məzənnəsi 2015-ci il ərzində növbəti, 3-cü dəfə yaxınlaşdığı 72 RUB/USD psixoloji həddi keçərsə, artıq 80 RUB/USD-yə doğru artacaq. 

"Report"un analitik qrupu qeyd edir ki, bu ilin yanvarın 26-da və avqustun 24-də dolların birja məzənnəsi 72 RUB/USD-yə qədər artsa da, sonradan enib. Hazırda isə məzənnə artıq 72,2 RUB/USD-yə çatıb və əvvəlki iş günü, dekabrın 25-i ilə müqayisədə 2,8% artıb. 

"Rublun bundan sonrakı hədəfi 80 RUB/USD-dir. Xatırladaq ki, 2014-cü il dekabrın 15-də bazarda məzənnə 80 RUB/USD-yə kimi yüksəlib. Unutmayaq ki, rublun zəifləməsi Azərbaycan manatına da mənfi təsirini göstərəcək", - deyə "Report"un analitikləri qeyd ediblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi