Yuxarı

Rusiya Maliyyə Nazirliyi valyuta alışını 5 dəfə artırır

Rusiya Maliyyə Nazirliyi valyuta alışını 5 dəfə artırır

78

Bu il bazardan 13 mlrd. dolların alınması nəzərdə tutulub

Bakı. 5 iyun. REPORT.AZ/ Rusiya Maliyyə Nazirliyi bu il iyunun 7-dən iyulun 6-dək valyuta bazarından gündəlik 2,1 mlrd. rubl (36,7 mln. dollar) nağd valyuta alışı həyata keçirəcəyini açıqlayıb. 

"Report" "Reuters" agentliyinə istinadən xəbər verir ki, may ayında nazirliyin valyuta alışı 0,4 mlrd. rubl (7 mln. dollar) olub.

"Reuters" agentliyinin sorğusu alış intervensiyasının 3 mlrd. rubl (53 mln. dollar) olacağını göstərib. Qeyd edək ki, ölkənin iqtisadi inkişaf naziri Maksim Oreşkin 2017-ci ildə valyuta intervensiyasının toplam 13 mlrd. dollara yaxın olacağını bildirib. 

Xatırladaq ki, alış intervensiyasına səbəb rublun həddindən artıq möhkəmlənməsi amili olub. Belə ki, 2016-cı il yanvarın 21-də 86 RUB/USD olan məzənnə hazırda 34%-ə yaxın azalaraq 57 RUB/USD-yə enib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi