Rusiya iqtisadiyyatı I rübdə 0,5% artıb

Bakı. 17 may. REPORT.AZ/ Rusiya iqtisadiyyatının həcmi bu ilin ilk rübündə illik müqayisədə 0,5% artım göstərib. 

"Report" "Rambler News Service" agentliyinə istinadən xəbər verir ki, bu barədə Rusiya Federal Statis Xidməti məlumat yayıb. Bu göstərici ilkin xarakter daşıyır və dəyişə bilər.

Xatırladaq ki, aprel ayında Rusiyanın iqtisadi inkişaf naziri Maksim Oreşkin ilk rübdə ÜDM-in 0,4% artacağını, Rusiya Bankı (Mərkəzi Bank) isə 0,4-0,7% artacağını proqnozlaşdırırdı. Bu ilin yekununda isə Rusiya Bankı ÜDM-də 1-1,5% artım gözləyir. 

Qeyd edək ki, Rusiya iqtisadiyaytı 2016-cı ildə 0,2%, 2015-ci ildə isə 3% zəifləyib.