Yuxarı
    Bağlamaq

    Rusiya əhalisi böhranın uzun müddət davam edəcəyini düşünür

    Son iki ildə nikbin insanların sayı xeyli artıb

    Bakı. 1 fevral. REPORT.AZ/ Rusiya əhalisinin yarısı iqtisadi böhranın 2 il və ya daha çox davam edəcəyini düşünür. "Report" "RBK" agentliyinə istinadən xəbər verir ki, bu məlumatı "Levada-sentr" araşdırma mərkəzi keçirdiyi sorğunun nəticələrinə əsasən yayıb.

    Araşdırma mərkəzinin yanvarın 20-23-də ölkənin 48 regionunda 1 600 respondent arasında apardığı sorğunun nəticələrinə görə, iqtisadi böhranın Rusiyada ən azı 2 il davam edəcəyini düşünənlər 22% təşkil edib. İqtisadi böhranın uzun müddət davam edəcəyini və nə zaman bitəcəyini bilməyənlər də sorğu iştirakşılarının 22%-nə bərabər olub. 

    "Levada-sentr"in sosioloqu Marina Krasilnikovaya görə, əhalinin fikirlərini cəmləşdirərək belə nəticəyə gəlmək olar ki, əksər insanlar ölkədə iqtisadi vəziyyətin yaxın illərdə düzəlməyəcəyini düşünürlər. Sosioloqun araşdırmasına əsasən, iqtisadi vəziyyətin düzələcəyinə nikbin yanaşanların sayı son iki ildə artmayıb. Əksinə, 2014-cü ilin dekabrında əhalinin 14%-i böhranın uzun müddət davam edəcəyini düşünürdüsə, hazırda bu göstərici 22%-ə yüksəlib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi