Yuxarı

"Qala Həyat Sığorta"nın sədri dəyişib

Yeni sədr AB Standard QSC-dən gəlib

Bakı. 10 oktyabr. REPORT.AZ/ "Qala Həyat Sığorta" ASC-nin Direktorlar Şurasına (DŞ) yeni sədr seçilib. Şirkətdən "Report"a verilən məlumata görə, söhbət Kamal İbrahimovdan gedir.

O, bu vəzifədə Fuad Quliyevi ("Qala Həyat"ın əsas səhmdarı olan "AzRe Təkrarsığorta" ASC-nin İdarə Heyətinin sədri) əvəz edib.

Xatırladaq ki, K.İbrahimov indiyə qədər "AB Standard" QSC-yə daxil olan "Bank Standard" QSC-nin Müşahidə Şurası və "Standard Insurance" ASC-nin DŞ-nin sədri olub. Bununla belə, "Standard Insurance"dən "Report"a bildirilib ki, K.İbrahimovun yeni təyinatı barədə məlumatsızdırlar və o, hələ də, DŞ-nin sədri vəzifəsində qalıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi