Yuxarı

Proqnoz: Neftin qiyməti 40 dollardan yüksək qalarsa, Azərbaycanın valyuta ehtiyatları artacaq

Bu ilin ilk yarısında Azərbaycanın məcmu valyuta ehtiyatları 13% artıb

Bakı. 6 oktyabr. REPORT.AZ/ Dünya bazarında neftin qiymətinin 40 dollar/barel səviyyəsindən yuxarı olması 2017-ci ildə Azərbaycanın valyuta ehtiyatlarını artıracaq. 

Azərbaycan Mərkəzi Bankından "Report"a bildirilib ki, gələn ilin büdcə layihəsində ARDNF-in büdcəyə nəzərdə tutulan 6,1 mlrd. manatlıq transferti diqqətə alınaraq neftin qiymətinin 40 dollardan yüksək olması durumunda valyuta ehtiyatlarında artım davam edəcək. 

Qeyd edək ki, Azərbaycanın məcmu valyuta ehtiyatları ilin əvvəlində 38 590,8 mln. dollara bərabər olub. İlin ilk yarısının yekunlarına görə, valyuta ehtiyatları 43 686,5 mln. dollara çatıb. Beləliklə, valyuta ehtiyatları ilk 6 ayda 5 095,7 mln. dollar və ya 13,2 % artıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi