Yuxarı

"PAŞA Həyat" iki sığorta hadisəsinə görə 30,4 min manat ödəniş verib

Ödənişlər boru istehsalı və avtoxidmət sektoruna aid müəssisələrin işçilərinin vəfatı ilə əlaqədar olub və onların ailələrinə verilib

Bakı. 26 fevral. REPORT.AZ/ "PAŞA Həyat" sığorta şirkəti istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta növü üzrə iki sığorta hadisəsinə görə 30 350 manat həcmində ödəniş həyata keçirib.

"Report"un şirkətə istinadən verdiyi xəbərə görə, istehsalat zamanı ayrı-ayrı vaxtlarda baş vermiş bədbəxt hadisə nəticəsində (boru istehsalı və avtoxidmət sektoruna aid müəssisələr) iki işçi həyatını itirib.

Zərərçəkmiş şəxslərin işlədiyi müəssisə ilə bağlanmış sığorta müqaviləsində qeyd olunan şərtlərə uyğun olaraq həmçinin “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə birdəfəlik sığorta ödənişi məbləğinin hesablanması Qaydası” tətbiq edilməklə vəfat etmiş şəxslərin ailəsinə müvafiq olaraq 22 080 manat və 8 270 manat həcmində sığorta ödənişləri verilib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi