Yuxarı
    Bağlamaq

    "Nikoil Bank"ın səhmdarlarının yığıncağı fevralın 20-də olacaq

    Fevralın 8-də təyin edilmiş növbədənkənar ümumi yığıncağ təxirə salınıb

    Bakı. 6 fevral. REPORT.AZ/ “Nikoil Bank” ASC-nin səhmdarlarının fevralın 8-nə Londonda (Birləşmiş Krallıq), Pikadili küçəsi, 21 ünvanındakı “Le Méridien Piccadilly” hotelində keçirilməsi planlaşdırılan növbədənkənar ümumi yığıncağı təxirə salınıb. 

    Bu barədə “Report” banka istinadən xəbər verir.

    Məlumata görə, yığıncaq fevralın 20-də adı çəkilən ünvanda baş tutacaq. Yığıncağın gündəliyinə “Nikoil Bank”ın Müşahidə Şurasının və Audit Komitəsinin tərkibinin dəyişdirilməsi, Komitə üzvlərinin mükafatlandırılmasının və Bankın Nizamnaməsinin yeni redaksiyada təsdiq olunması məsələləri daxildir.

    Xatırladaq ki, "Nikoil Bank" ASC 1994-cü ildən fəaliyyət göstərən "Ülpər" kommersiya bankının bazasında, 2002-ci ildə yaradılıb. Hazırda onun nizamnamə kapitalı 184,5 mln. manatdır. Bankın səhmlərinin 91,84%-i "Topaz İnvestments" QSC-yə, 7,97%-i "Nikoil" QSC-yə, 0,19%-i isə "ISR Holding" MMC-yə məxsusdur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi