Bakı. 2 fevral. REPORT.AZ/ Azərbaycan Mərkəzi Bankının (AMB) 1 fevral 2016-cı il tarixli qərarı ilə "NBC Bank" ASC-nin lisenziyası bərpa olunub. "Report" xəbər verir ki, bu barədə "NBC Bank"ın rəsmi saytında məlumat verilib.
Məlumata görə, artıq sabah, fevralın 3-dən "NBC Bank" bütün bank əməliyyatlarını bərpa edəcək.
Qeyd edək ki, AMB-dən "Report"a bu xəbəri təsdiq ediblər.
Xatırladaq ki, AMB İdarə Heyətinin 25 yanvar 2016-cı il tarixli qərarları ilə məcmu kapitalın minimum məbləği tələbinə əməl etmədiyinə, kreditorları qarşısında öhdəliklərini icra edə bilmədiyinə, cari fəaliyyətini etibarlı və prudensial qaydada idarə etmədiyinə görə “NBC Bank” ASC-nin bank lisenziyaları ləğv edilib. Yanvarın 26-dan isə Banka müvəqqəti inzibatçı təyin edilib.