Bakı. 17 yanvar. REPORT.AZ/ Bu gün Azərbaycan Mərkəzi Bankı (AMB) tərəfindən vəsaitlərin cəlb edilməsi üzrə 15 mln. manat həcmində keçirilmiş növbəti depozit hərracında tələb 45 mln. manat təşkil edib.
"Report" bu barədə AMB-yə istinadən xəbər verir.
Hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə illik 14,00% olub.
Qeyd edək ki, bu, yeni ildə keçirilən ikinci depozit hərracıdır. Bu ilki ilk hərracda da AMB tərəfindən 15 mln. manat cəlb olunub. Tələb isə 30 mln. manat təşkil edib.