Bakı. 15 avqust. REPORT.AZ/ Bu gün Bakı Fond Birjasında (BFB) Maliyyə Nazirliyinin AZ0101018544 ISIN-li, 10 mln manat həcmində, 91 gün tədavül müddətli dövlət qısamüddətli istiqrazlarının (DQİ) yerləşdirilməsi üzrə hərrac keçirilib.
“Report” BFB-yə istinadən xəbər verir ki, hərraca 12 investor qiymət intervalı 97,65 manat (9,7599%) – 98,1367 manat (7,7001%) olan 19 sifariş təqdim edib.
Maliyyə Nazirliyinin qərarına əsasən, istiqrazların kəsmə qiyməti 198,113 manat (7,8000%), orta ölçülmüş qiyməti 98,1161 manat (7,7869%) müəyyən olunub.
İstiqrazların nominal qiymətlə ümumi məbləği 36 217 800 manat, yerləşdirilmiş həcmi isə 10 mln manat təşkil edib.
İstiqrazların ödəmə tarixi 14 noyabr 2017-ci ildir. Hərrac iştirakçıları sabah istiqrazların alışı üzrə öhdəliklərini icra etməlidirlər.