Yuxarı
    Bağlamaq

    Maliyyə Nazirliyi “Azərbaycan Beynəlxalq Bankı”nda payını artırıb

    Bankın səhmlərinin alqı-satqısı üzrə insayder əqdi bağlanılıb
    © Report

    Bakı. 13 aprel. REPORT.AZ/ “Azərbaycan Beynəlxalq Bankı” ASC-nin (ABB) səhmlərinin alqı-satqısı üzrə insayder əqdi bağlanılıb.

    “Report” xəbər verir ki, “PAŞA Kapital İnvestisiya Şirkəti” QSC-nin vasitəçiliyi ilə baş tutmuş əqd Maliyyə Nazirliyinin, Bankın səhmlərini əldə etməsini nəzərdə tutur.

    Söhbət hər birinin nominal dəyəri 0,27 manat olan 674 105 421 ədəd səhmdən gedir. Bununla da, nazirliyin ABB-ni nizamnamə kapitalındakı payı 76,73%-dən 91,4%-ə (3 527 681 352 ədəd səhmdən 4 201 786 773 ədəd səhmə) yüksəlib.

    Xatırladaq ki, ABB 1992-ci ildə yaradılıb. Onun nizamnamə kapitalı 1 241,287 mln. manatdır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi