Yuxarı

Maliyyə Nazirliyi ADİF-ə yeni kreditin ayrılması üçün zəmanət verib

AMB tərəfindən ayrılacaq 460 mln. manat məbləğində kredit “Bank Standad”ın qorunan əmanətçilərinə kompensasiyaların ödənilməsinə sərf olunacaq

Bakı. 4 oktyabr. REPORT.AZ/ Maliyyə Nazirliyinin Kollegiyası Əmanətlərin Sığortalanması Fonduna (ADİF) Mərkəzi Bank tərəfindən ayrılacaq 460 mln. manat məbləğində kreditə və ona hesablanacaq faizlərə dövlət zəmanəti verilməsi ilə bağlı qərar qəbul edib. 

Bu barədə “Report”a nazirliyin mətbuat xidmətindən məlumat verilib.

Bildirilib ki, oktyabrın 4-də Maliyyə Nazirliyində növbədənkənar kollegiya iclası keçiriib. İclasda maliyyə naziri, kollegiyanın sədri Samir Şərifovun sədrliyi ilə (ADİF) Azərbaycan Mərkəzi Bankı tərəfindən ayrılacaq 460 mln. manat məbləğində kreditə və ona hesablanacaq faizlərə dövlət zəmanətinin verilməsi ilə bağlı AMB-nin müraciətinə baxılıb.

Qeyd edilib ki, Mərkəzi Bankın müraciəti “Əmanətlərin sığortalanması haqqında” qanunun 4.1.7-ci və 17.2-ci maddələrinə və Prezidentin 2016-cı il 1 mart tarixli fərmanına uyğun olaraq Maliyyə Nazirliyinə təqdim olunub.

AMB tərəfindən ADİF-ə kreditin verilməsi ləğv edilmiş “Bank Standad” QSC-nin qorunan əmanətçilərinə kompensasiyaların ödənilməsi üçün likvid vəsait çatışmazlığının aradan qaldırılması məqsədi daşıyır.

Maliyyə Nazirliyinin Kollegiyası əmanətçilərin hüquqlarının qorunması, onların ölkənin bank sisteminə etibarının gücləndirilməsi, habelə bank sisteminin dayanıqlığının təmin edilməsinin vacibliyini nəzərə alaraq ADİF-ə Mərkəzi Bank tərəfindən ayrılacaq 460 mln. manat məbləğində kreditə və ona hesablanacaq faizlərə dövlət zəmanəti verilməsi ilə bağlı müsbət qərar qəbul edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi