Yuxarı
    Bağlamaq

    Palata: Kreditlərin restrukturizasiya edilməsi qadağanın əhatə dairəsindədir

    Qadağa tədbiri istehlak kreditlərinin bütün növlərinə şamil edilir

    Bakı. 9 aprel. REPORT.AZ/ Maliyyə Bazarlarına Nəzarət Palatası xarici valyutada istehlak kreditlərinin verilməsinin dayandırılmasına dair əlavə məlumat açıqlayıb.

    "Report"a daxil olan açıqlamada bildirilib ki, qadağa tədbiri istehlak kreditlərinin bütün növlərinə şamil edilir. Bütün növ istehlak kreditlərinə kart, avtomobil, əmanətə bağlı, tam və ya qismən təminatlı və s. növ kreditlər daxildir: "Bu növ kreditlərin restrukturizasiya edilməsi (müqavilə şərtlərinin dəyişdirilməsi və ya yeni öhdəlik kimi rəsmiləşdirilməsi) qadağanın əhatə dairəsindədir".

    Qeyd edək ki, Azərbaycan Respublikasının Maliyyə Bazarlarına Nəzarət Palatasının Direktorlar Şurasının iclasının qərarı ilə 5 aprel tarixdən etibarən Azərbaycanda fəaliyyət göstərən bütün kredit təşkilatları tərəfindən xarici valyutada istehlak kreditlərinin verilməsi bir ay müddətinə dayandırılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi