Bakı. 2 iyun.REPORT.AZ/ Azərbaycan
"Report"un Komitəyə istinadən verdiyi xəbərə görə, QKDK-nın sədri Rüfət Aslanlı Böyük Britaniya ilə Azərbaycan arasında bir sıra sahələrdə, o cümlədən enerji, qeyri-neft sektoru sahələrində uğurlu əməkdaşlıq əlaqələrinin mövcudluğunu və bu əlaqələrin böyük perspektivlər vəd etdiyini deyib.
R.Aslanlı ölkədə xarici investorlar üçün əlverişli şəraitin yaradıldığını, qiymətli kağızlar bazarının infrastrukturunun müasirləşdirilərək beynəlxalq bazarlara inteqrasiyasının təmin edildiyini qeyd edib.
Komitə sədri iki ölkə arasında maliyyə bazarları sahəsində işgüzar təmasların, həmçinin ticarət və sərmayə əlaqələrinin genişləndirilməsinin qarşılıqlı əməkdaşlığa töhfə verdiyini görüş iştirakçılarının diqqətinə çatdırıb.
A.A.Yarrou dayanıqlı iqtisadiyyata malik Azərbaycanın mövqeyinin beynəlxalq arenada getdikcə gücləndiyini və bu baxımdan Böyük Britaniya şirkətlərinin Azərbaycana sərmayə yatırmaqda maraqlı olduqlarını bildirib. Londonun Lord meri Azərbaycanın kapital bazarında aparılan islahatların bu sahənin gələcəkdə yüksək perspektivli inkişafına zəmin yaradacağına əminliyini ifadə edərək, iki ölkənin fond bazarlarının inteqrasiyasının vacibliyini vurğulayıb.
Daha sonra maliyyə bazarlarındakı vəziyyət, investisiya resursları bazarı, korporativ sahədə dialoqun inkişaf etdirilməsi, eləcə də qarşılıqlı əməkdaşlığın perspektivləri ilə bağlı fikir mübadiləsi aparılıb.