Bakı. 2 iyul. REPORT.AZ/ "KredoBank" ASC səhmdarlarının növbədənkənar ümumi yığıncağı keçiriləcək.
"Report" xəbər verir ki, avqustun 15-də baş tutacaq iclasın gündəliyinə bankın nizamnamə kapitalının artırılması məsələsi daxil edilib.
Toplantı bankın baş ofisində olacaq.
Qeyd edək ki, "KredoBank" ASC-nin 1 may 2016-ci il tarixinə olan nizamnamə fondu 68 940 000 manata çatıb. Səhmdarlar 8 hüquqi və 7 fiziki şəxsdən ibarətdir. Fiziki şəxslərin nizamnamə kapitalında iştirak payı 70%, hüquqi şəxslərin nizamnamə kapitalında iştirak payı 30% təşkil edir.