Koreya birjasına kiberhücum bitkoini kəskin ucuzlaşdırıb

Bakı. 11 iyun. REPORT.AZ/ Cənubi Koreya birjasına kiberhücumdan sonra dünyanın aparıcı kriptovalyutalarından sayılan bitkoin ötən həftənin sonu 11% ucuzlaşıb. Son nəticədə onun builki dəyər itkisi 50%-i keçib.

“Report” bu barədə xarici mətbuata istinadən xəbər verir.

Buna baxmayaraq, bitkoin sahibləri ümidlərini itirmirlər. İndi bu kriptovalyuta 6 790 ABŞ dollarından ticarət olunur ki, bu da onun ötən il qeydə alınmış qiymətindən 2 dəfə çoxdur. 

Bitkoinlə yanaşı, "Ethereum" və "Ripple"ın da qiyməti 10% azalıb.