"Kapital Bank"ın səhmləri ticarətdən çıxarılacaq

Bakı. 8 yanvar. REPORT.AZ/ "Kapital Bank" ASC "Bakı Fond Birjası" QSC-nin (BFB) standart bazar seqmentində ticarətə buraxdığı adi və imtiyazlı səhmlərinin delistinq edilməsinə qərar verib. 

"Report" bu barədə Birjaya istinadən xəbər verir. 

Məlumata görə, Bank bu məqsədlə BFB-y müraciət edib. Birjanın qaydalarına görə, delistinq barədə qərar ictimaiyyətə açıqlandıqdan 2 ay sonra qüvvəyə minəcək.