Yuxarı
    Bağlamaq

    “Kapital Bank” filiallarında avtomobili kreditlə sığortalamaq olar

    Azərbaycanda ilk dəfə olaraq “Kapital Bank”da avtomobil sığortasını kreditlə almaq mümkündür

    Bakı. 20 aprel. REPORT.AZ/ Azərbaycanda ilk dəfə olaraq “Kapital Bank” ASC filiallarında "PAŞA Sığorta"nın avtomobil sığortası məhsulunun kreditlə satışı həyata keçirilir. Bu barədə “Report”a Bankın mətbuat xidmətindən məlumat verilib.

    Müştərilər Bankın Bakı, Sumqayıt şəhərləri və Abşeron, həmçinin Gəncə, Lənkəran, Şəki, Zaqatala, Xaçmaz, Şirvan, Göyçay, Bərdə və Ağsu şəhərlərində yerləşən filiallarında avtomobillərin icbari sığortasını əldə edə bilərlər.

    Avtomobillərin sığortasının dəyərini “Kapital Bank”dan əmək haqqı və təqaüd alan müştərilər 6 aylıq faizsiz və komissiyasız kreditlə, digər müştərilər isə nağd şəkildə ödəyə bilərlər. Sənədləşmə üçün şəxsiyyət vəsiqəsi və avtomobilin texniki pasportu tələb olunur. Sığortanın məbləği sürücünün və avtomobilin göstəriciləri əsasında sığorta proqramında avtomatik hesablanır.

    Azərbaycanda ən böyük filial şəbəkəsinə malik olan "Kapital Bank", 91 filialı və 4 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət etmək olar.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi