Bakı. 21 sentyabr. REPORT.AZ/ “International” MMC bank olmayan kredit təşkilatının (BOKT) cəmi aktivləri illik müqayisədə 20,4% azalaraq bu il yanvarın 1-nə 6,682 mln. manat təşkil edib.
“Report” bu barədə BOKT-un maliyyə hesabatına istinadən xəbər verir.
Ötən il “International”ın müştərilərə verdiyi xalis kreditlər də 20,4% azalaraq 5,378 mln. manata düşüb.
Hesabat dövründə BOKT-un cəmi öhdəlikləri 24,6% azalaraq 5,91 mln. manata, cəmi kapitalı isə 22,9% azalaraq 772 min manata düşüb.
“International” 2017-ci ili 144 min manat mənfəətlə başa vurub. Halbuki, BOKT 2016-cı ildən 30 min manat zərərlə çıxmışdı.