Yuxarı
    Bağlamaq

    IMF Venesuelada 2 000%-lik hiperinflyasiya proqnozlaşdırır

    Qurum bu ölkədə 7,4%-lik iqtisadi geriləmə olacağını bəyan edib

    Bakı. 20 aprel. REPORT.AZ/ Bu il Venesuelada qiymət artımının 720%, gələn il isə 2 000% təşkil edəcəyi gözlənilir.

    “Report” xəbər verir ki, bu proqnozu Beynəlxalq Valyuta Fondu (IMF) açıqlayıb.

    Fondun ekspertləri hesab edirlər ki, Cənubi Amerika ölkəsi iqtisadi çətinliklərdən əziyyət çəkməkdə davam edəcək və mal idxalı sahəsində məhdudiyyətlə üzləşəcək.

    “2017-ci ildə Venesuelada istehsal olunan ümumi daxili məhsul (ÜDM) 2016-cı illə müqayisədə 7,4% az olacaq. Ölkədə işsizlik səviyyəsi isə 21,2%-dən 25,3%-ə çatacaq”, - deyə IMF-in açıqlamasında bildirilir.

    Xatırladaq ki, Venesuela Mərkəzi Bankı 2016-cı ildə ölkədə qiymət artımının 800% olduğunu açıqlayıb. İnflyasiya prosesi sürətləndiyi üçün hökumət dövriyyəyə yeni nominallı əsginaslar buraxmağa məcbur olub. Əgər 2016-cı ildə milli valyuta - bolivarın nominal dəyəri 100-dən çox deyildisə, hazırda əhalinin istifadəsində 500, 1 000, 2 000, 3 000, 5 000, 10 000 və 20 000-lik bolivarlar var.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi