İndiyə qədər ARDNF-ə daxil olmuş vəsaitin 73%-i xərclənib

Bakı. 11 iyul. REPORT.AZ/ 2001-ci ildən bəri Azərbaycan Dövlət Neft Fonduna (ARDNF) 142,1 mlrd. ABŞ dolları məbləğində vəsait daxil olub.

"Report" xəbər verir ki, bunu ADA Universitetində keçirilən Bakı Yay Enerji Məktəbində Fondun icraçı direktorunun müavini İsrafil Məmmədov bildirib.

Onun sözlərinə görə, həmin vəsaitin 73%-i və yaxud 104,28 mlrd. dolları xərclənib: "2001-2018-ci illərdə ARDNF-ə daxil olmuş vəsaitin 27%-ni və yaxud 37,8 mlrd. dollarını yığım təşkil edib".