“GoldenPay” ötən il 300 min manatdan çox xalis mənfəət əldə edib

Azərbaycanın onlayn ödəmələr bazarında ən böyük şirkət olan “GoldenPay” ASC 2019-cu ili 323 min manat xalis mənfəətlə başa vurub. Halbuki şirkət 2018-ci ildən 34 min manat zərərlə çıxmışdı.

“Report” xəbər verir ki, ötən il “GoldenPay”ın göstərdiyi xidmətlərdən gəlirləri 4 milyon manat (əvvəlki ilə nisbətən 31,9% çox), xidmətlərinin maya dəyəri 2,2 milyon manat (40,5% çox), ümumi və inzibati xərcləri 1,3 milyon manat (5,9% çox), faiz xərcləri 29 min manat (30,6% az), mənfəət vergisi ödəmələri isə 124 min manat (8,5 dəfə çox) təşkil edib.

Bu il yanvarın 1-nə “GoldenPay”ın aktivləri 2,3 milyon manat olub ki, bu da illik müqayisədə 37,4% çoxdur. Hesabat dövründə şirkətin öhdəlikləri 18,3% artaraq 2 milyon manata, balans kapitalı isə 18,7 dəfə artaraq 342 min manata çatıb.

Xatırladaq ki, “GoldenPay” 2007-ci ildə yaradılıb. Şirkətin səhmdarı Böyük Britaniyanın Nevis adalarında qeydiyyatdan keçmiş “GoldenPay International” şirkətidir.