Yuxarı
    Bağlamaq

    “Fitch” Azərbaycan Beynəlxalq Bankının reytinqlərinə yenidən baxacaq

    Bakı. 20 dekabr. REPORT.AZ/ “Fitch” beynəlxalq reytinq agentliyi 20 dekabr 2017-ci il tarixində Bankların qiymətləndirilməsi meyarları metodologiyasına etdiyi dəyişikliklərlə əlaqədar olaraq, “Azərbaycan Beynəlxalq Bankı” (ABB) ASC-nin reytinq proqnozlarına yenidən baxılacağını elan edib.

    Bu barədə “Report”a ABB-nin mətbuat xidmətindən məlumat verilib.

    Metodologiyada aparılan dəyişikliklərə uyğun olaraq, Fitch "ccc" reytinq proqnozu səviyyəsinə + və - modifikatorlarının tətbiqini planlaşdırır. Buna əsasən, ABB-nin hazırda “ccc” səviyyəsində olan dayanıqlıq reytinq proqnozuna (VR) yenidən baxılması nəzərdə tutulur.

    Reytinq proqnozlarının dəyişməsi Bankın risk profilinin qiymətləndirilməsindən asılı olaraq 2018-ci ildə elan ediləcək. Xatırladaq ki, Azərbaycan Beynəlxalq Bankının öhdəliklərinin könüllü restrukturizasiyası prosesi müvəffəqiyyətlə başa çatdıqdan sonra Bankın xarici valyutada uzunmüddətli reytinqi "Fitch" tərəfindən "B-" səviyyəsinə yüksəldilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi