Yuxarı
    Bağlamaq

    FED bu gün dolları bahalaşdıra bilər

    Faiz artımının iyun ayında olacağı ilə bağlı ehtimallar 70%-ə çatıb

    Bakı. 3 may. REPORT.AZ/ Bu gün ABŞ Federal Ehtiyat Sisteminin (FED) növbəti iclası yekunlaşır.

    "Report"un analitik qrupu bildirir ki, iclasda uçot dərəcəsinin artırılması gözlənilməsə də, yekun qərar mətnində iyun ayında keçiriləcək növbəti iclasda faizlərin artırılacağına dair siqnalların verilməsi dolları möhkəmləndirə bilər.

    "Moody's" Beynəlxalq Reytinq Agentliyinin direktoru Rayan Svit (Ryan Sweet) hesab edir ki, FED ilin ilk rübündə ABŞ iqtisadiyyatındakı zəif göstəriciləri müvəqqəti hal olduğunu bildirərək bunu diqqətə almayacaq: "Növbəti iclasa 6 həftə qaldığını nəzərə alsaq, FED-in dəqiq bir şey söyləyəcəyini düşünmürəm". 

    Direktor həmçinin xatırladıb ki, FED monetar sərtləşdirmə prosesi zamanı sürprizlər etməyi sevmədiyindən, böyük ehtimalla iyunda faizləri artıracaq. Qeyd edək ki, hazırda iyun ayında uçot dərəcəsinin artırılması ehtimalı qlobal bazarlarda 70% təşkil edir.

    "Report"un analitik qrupu bildirir ki, bugünkü iclasda iyun ayında uçot dərəcəsinin artırılması barədə hər hansı fikirin səsləndirilməsi qlobal valyuta bazarında dolların məzənnəsinin artmasına gətirib çıxaracaq. Bu halda, əsas valyuta cütlüyü - avro/dollar məzənnəsi 1,08 USD/EUR-a kimi geriləyə bilər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi