Elman Rüstəmov: "Valyuta ehtiyatlarının artması üçün neftin qiyməti əsas amildir"

Bakı. 12 fevral. REPORT.AZ/ “Dünya bazarında neftin qiymətinin dövlət büdcəsində proqnozlaşdırılmış 45 dollar/barel səviyyəsində qalması imkan verir ki, ölkənin tədiyyə balansı müsbət olsun, Azərbaycan Mərkəzi Bankının (AMB) valyuta ehtiyatları isə artsın”.

“Report” xəbər verir ki, bunu AMB-nin sədri Elman Rüstəmov deyib.

“AMB-nin valyuta ehtiyatlarının artması üçün neftin qiyməti əsas amildir. Hazırda qiymət yüksəkdir. Üstəlik, yeni neft müqaviləsi ilə əlaqədar Azərbaycana bonusların da ödənilməsinə başlanılıb. Deyə bilərəm ki, 2018-ci ildə valyuta ehtiyatlarımızdakı artım 2017-ci ildəkindən az olmayacaq”, - deyə baş bankir qeyd edib.