​EBRD Gürcüstanda illik toplantı keçirəcək

Bakı. 26 yanvar. REPORT.AZ/ Fevralın 16-17-də Tbilisidə (Gürcüstan) III illik Cənubi Qafqaz İnfrastruktur və Yeni Enerji Sammiti keçiriləcək. "Report"un Avropa Yenidənqurma və İnkişaf Bankından (EBRD) əldə etdiyi məlumata görə, tədbirdə 250-dən çox yerli və xarici qonağın iştirakı gözlənilir.

Beynəlxalq maliyyə institutlarının rəhbərləri, iş adamları, bank sahiblərinin qatılacağı sammitdə EBRD-ni Rusiya, Qafqaz və Mərkəzi Asiya üzrə enerji və bank məsələləri üzrə əsas məsləhətçisi David Manaqadze, Bələdiyyə və Ətraf mühit Assosiasiyasının direktoru Katarina Byorlin Hansen (Catarina Bjorlin Hansen) təmsil edəcək.