Yuxarı

​Dünya Bankı Azərbaycandakı ölkə menecerini Afrikaya göndərir

Larisa Leşçenko bundan sonra fəaliyyətini Liberiyada davam etdirəcək

Bakı. 7 iyun. REPORT.AZ/ İyunun sonunda Dünya Bankının (DB) Azərbaycandakı nümayəndəliyinin rəhbəri Larisa Leşçenkonun səlahiyyət müddəti bitir. “Report”un əldə etdiyi məlumata görə, DB rəsmisi bundan sonrakı fəaliyyətini Liberiyada (Qərbi Afrika) davam etdirəcək.

L.Leşçenkonun Liberiyada səlahiyyətlərinin icrasına yayın sonu-payızın əvvəlində başlayacağı və bu ölkədə ilkin olaraq 3 il çalışacağı deyilir.

Xatırladaq ki, L.Leşçenko 2012-ci ildə Dünya Bankının Azərbaycandakı nümayəndəliyinin rəhbəri kimi fəaliyyətə başlayıb. İlk 3 illik fəaliyyət müddəti bitdikdən sonra DB praktikasına uyğun olaraq onun Azərbaycandakı səlahiyyətləri 1 il də artırılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi