Bakı. 19 oktyabr. REPORT.AZ/ “Caspian Invest” MMC bank olmayan kredit təşkilatının (BOKT) cəmi aktivləri illik müqayisədə 17,3% azalaraq bu il yanvarın 1-nə 631 min manat təşkil edib.
“Report” bu barədə BOKT-un maliyyə hesabatına istinadən xəbər verir.
Ötən il “Caspian Invest”in müştərilərə verdiyi xalis kreditlər 1,5% azalaraq 462 min manata düşüb.
Hesabat dövründə BOKT-un cəmi öhdəlikləri 33,8% azalaraq 45 min manat, cəmi kapitalı isə 12,4% azalaraq 586 min manat olub.
“Caspian Invest” 2017-ci ili 152 min manat zərərlə başa vurub. Bu, 2016-cı ilə nisbətən 18,75% çoxdur.