Yuxarı

Bitkoinin qiyməti 6 000 dollara düşüb

Proqnoz: Kriptovalyutaların qiymətində yenidən artım gözlənilir

Bakı. 6 fevral. REPORT.AZ/ Bitkoinin qiyməti bu gün səhər saatlarında 6 017 dollara qədər geriləyib. 

"Report" "Binance.com" kriptovalyuta birjasına istinadən xəbər verir ki, bu, 2017-ci ilin oktyabrın 29-dan sonra ən minimal həddir. Qeyd edək ki, kriptovalyuta bazarının kapitallaşması da 278 mlrd. dollara qədər geriləyib.

Nəticədə, bitkoin tarixi rekord səviyyəsindən 3,3 dəfə və ya 70%, kriptovalyuta bazarının kapitallaşması isə 554 mlrd. dollar və ya 66% ucuzlaşıb.

"Report"un analitik qrupu bu səviyyələrdən kriptovalyutaların bahalaşmağa başlayacağını, 277 mlrd. dollar kapitallaşma səviyyəsindən aşağı endiyi halda isə kriptovalyuta bazarında böhran yaşanacağını, təşviş başlayacağını proqnozlaşdırır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi