Yuxarı

Azərbaycan bankları ötən il 5,7 milyard dollarlıq nağd xarici valyuta alıb-satıb

Banklar ötən il 5,7 milyard dollarlıq nağd xarici valyuta alıb-satıb

2019-cu ildə Azərbaycanın valyuta bazarında tələb-təklif nisbəti və manatın xarici valyutalara nəzərən məzənnəsi tədiyyə balansındakı meyillərə uyğun formalaşıb.

“Report” xəbər verir ki, bu barədə Azərbaycan Mərkəzi Bankının “Pul siyasəti icmalı”nda bildirilir.

Sənəddə həmçinin deyilir ki, iqtisadi subyektlərin xarici iqtisadi əməliyyatlarının dinamikası cari ildə də valyuta bazarında əməliyyatların həcmi müəyyənləşdirən başlıca amil olub.

İl ərzində qeyri-nağd valyuta bazarında aparılmış əməliyyatların dəyəri 2018-ci ilə nisbətən 9,4% artaraq 27,8 milyard ABŞ dolları təşkil edib. Dövr ərzində qeyri-nağd valyuta bazarında əməliyyatların 82,8%-i dollarda, 17,2%-i digər valyutalarda aparılıb.

Qeyri-nağd valyuta əməliyyatlarının 33,7%-i banklararası valyuta bazarında (BVB), 66,3%-i isə bankdaxili valyuta bazarında (BDVB) reallaşdırılıb.

Hesabat dövründə BVB-də əməliyyatların 96%-i ABŞ dollarında, 3,7%-i avroda, 0,3%-i isə digər valyutalarda aparılıb. BVB-də valyuta əməliyyatları üzrə dövriyyə əsasən “Bloomberg” platformasında aparılan əməliyyatlar hesabına formalaşıb.

BDVB-də valyuta əməliyyatlarının dəyəri 18,4 milyard dollar ekvivalentində olub ki, bunun da 76,2%-ni dollarla əməliyyatlar təşkil edib. BDVB-də valyuta əməliyyatlarının 91,3%-i hüquqi şəxslərlə aparılan valyuta əməliyyatların payına düşüb.

Hesabat dövründə banklar nağd xarici valyutanın alqı-satqısı üzrə 5,7 milyard dollarlıq və yaxud əvvəlki ilə nisbətən 17,7% az əməliyyat aparıb ki, bunun da 4,5 milyard dollarını və yaxud 78,9%-ni dollarla aparılmış əməliyyatlar təşkil edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi