"Bank VTB (Azerbaijan)"nın səhmdarlarının növbədənkənar ümumi yığıncağı keçiriləcək

Bakı. 17 mart. REPORT.AZ/ Aprelin 29-da ""Bank VTB (Azerbaijan)" ASC-nin səhmdarlarının növbədənkənar ümumi yığıncağı keçiriləcək. "Report"un banka istinadən verdiyi xəbərə görə, tədbir bankın baş ofisində, Xətai prospekti 38 ünvanında saat 11:00-da olacaq. İclasın gündəliyinə bankın səhmdarlarının növbədənkənar Ümumı Yığıncağının katibinin seçilməsi, Müşahidə Şurasının tərkibi haqqında məsələlər daxildir.

"Bank VTB (Azerbaijan)" ASC VTB Bank ASC-nin törəmə bankıdır. "Bank VTB (Azerbaijan)" ASC-nin səhmdarları "VTB Bank" ASC və “AtaHolding” ASC-dir. Bank korporativ biznesi, kiçik və fərdi biznesi təmsil edən müştərilərə, eləcədə fiziki şəxslərə xidmət göstərir. Bu gün bank 14 filial və Baş ofis yanında Müştəri xidmətləri İdarəsi ilə təmsil olunub.