Yuxarı
    Bağlamaq

    "Bank of Baku" nağdsız əməliyyatlar üzrə ölkənin lider bankı seçilib

    Azərbaycan bankı MasterCard təşkilatı tərəfindən mükafatlandırılıb

    Bakı. 24 may. REPORT.AZ/ "MasterCard" 2016-cı ilin uğurları çərçivəsində keçirdiyi mükafatlandırma mərasimində “Bank of Baku” ASC-ni "MasterCard kartlarının dövriyyəsi içində nağdsız əməliyyat payı ən yüksək olan bank" nominasiyasında Azərbaycanın lider bankı elan edib.

    "Report" bu barədə banka istinadən xəbər verir.

    Bununla əlaqədar olaraq, mükafatlandırma mərasimində “Bank of Baku”ya xüsusi sertifikat təqdim edilib. “Bank of Baku”nun bu sahədə uğur qazanmasında ölkənin ilk taksit kartı "Bolkart" layihəsinin və korporativ bankçılıq sahəsində son dövrlərdə həyata keçirdiyi "İşkart" və əmək haqqı kartı layihələrinin rolu kifayət qədər böyükdür.

    Qeyd edək ki, “Bank of Baku” artıq 10 ildən çoxdur müştəriləri üçün "MasterCard" beynəlxalq kartlarının istifadəsinə şərait yaradıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi