Yuxarı

​"Bank of Azerbaijan" əmanətləri müştərilərə hissə-hissə qaytarır

Maliyyə vəziyyəti pisləşən Bank müştərilərin siyahısını hazırlayıb və əmanətləri tədricən ödəyir

Bakı. 21 aprel. REPORT.AZ/ Son vaxtlar maliyyə vəziyyəti pisləşən "Bank of Azerbaijan" ASC əmanətlərini geri almaq istəyən müştərilərə vəsaitlərini hissələrə bölərək ödəyir.

"Report"un verdiyi xəbərə görə, ödənişlər baş ofisdə kassada yığılan nağd vəsaitin məbləğindən və əmanətin həcmindən asılı olaraq dəyişir. Əhalinin əmanətlərini qaytararkən Bank hesablanan faiz gəlirlərini də nəzərə alır. Bildirək ki, Bankın əməkdaşlıq etdiyi beynəlxalq ödəniş sistemlərinə borcu olduğundan, müştərilərə ödənişlər plastik kartlarla deyil, yalnız nağd şəkildə aparılır. Əmanətlərini almaq istəyən müştərilərin baş ofisdə siyahısı hazırlanıb və hər bir müştəriyə vəsait hissə-hissə verilir.

Xatırladaq ki, "Bank of Azerbaijan" artıq bir ilə yaxındır kreditləşməni və əmanətlərin qəbulunu dayandırıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi