Bakı. 14 iyul. REPORT.AZ/ “Bank Avrasiya” ASC-nin aktivləri illik müqayisədə 25,87% artaraq 2017-ci il iyulun 1-nə 159,758 mln. manata çatıb. Kredit portfeli də illik 0,58% artaraq 87,302 mln. manat təşkil edib. Kredit portfelinin 16,46%-ni və ya 14,374 mln. manatını problemli kreditlər təşkil edib.
“Report” bu barədə Bankın maliyyə hesabatına istinadən xəbərə verir.
Bu müddətdə Bankın cəmi öhdəlikləri 36,40% artaraq iyulun 1-nə 97,842 mln. manata yüksəlib. Depozit portfeli isə illik 29,63% artaraq 37,849 mln. manata çatıb.
Cari il iyulun 1-nə "Bank Avrasiya"nın nizamnamə kapitalı 50 mln. manat, məcmu kapitalı 61,223 mln. manat təşkil edib.