Yuxarı
    Bağlamaq

    "Azərsu" Azərbaycan Beynəlxalq Bankından aldığı borcu 7 il tez qaytarıb

    Əvəzində səhmdar cəmiyyəti Maliyyə Nazirliyinə olan borcunu 84% artırıb
    © Report

    Bakı. 1 sentyabr. REPORT.AZ/ Bu il yanvarın 1-nə "Azərsu" ASC-nin kredit borcları 238,805 mln. manat təşkil edib.

    "Report" qurumun maliyyə hesabatına istinadən xəbər verir ki, bu, ötən il yanvarın 1-i ilə müqayisədə 43,4% və yaxud 1,8 dəfə azdır.

    Səhmdar cəmiyyətinin kredit borclarının 167,268 mln. manatını və yaxud 70%-ni 4 beynəlxalq və xarici maliyyə qurumundan - Dünya Bankı (WB), Asiya İnkişaf Bankı (ADB), Almaniyanın "KfW" və Fransanın "Natixis" banklarından alınmış kreditlər təşkil edib. 2017-ci ildə bu tipli borclar 0,1% azalıb. Qeyd edək ki, həmin kreditlərin illik faiz dərəcəsi müvafiq olaraq 0,75%, 2,5%, 0,75% və 2,45%-dir.

    Əvəzində "Azərsu" ötən il Maliyyə Nazirliyinə olan borcunu 83,5% artıraraq 71,466 mln. manata çatdırıb. Qeyd edək ki, nazirlik borcu Azərbaycan manatı və ABŞ dollarında, faizsiz ayırıb.

    Qurum "Azərbaycan Beynəlxalq Bankı" ASC-dən aldığı borcu isə demək olar ki, qaytararaq 215,556 mln. manatdan 71 min manata endirib. Xatırladaq ki, Bank səhmdar cəmiyyətinə borcu illik 1%-lə, 2025-ci ilin iyul ayına qədər qaytarmaq şərti ilə verib. Göründüyü kimi, ABB-nin krediti 7 il tez qaytarılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi