Bakı. 13 fevral. REPORT.AZ/ Bakı Fond Birjasında (BFB) "Qax Avtonəqliyyat" ASC-nin səhmlərinin alqı-satqısı üzrə əqd bağlanılıb.
Bu barədə "Report"a BFB-dən bildirilib.
Məlumata görə, əqd müəssisənin 210 səhminin təkrar bazarda realizə edilməsini nəzərdə tutur. Qiymətli kağızların nominal dəyəri 0,4 manat olsa da, onlar 2,25 dəfə baha - 0,9 manatdan alınıb-satılıb.
Xatırladaq ki, "Qax Avtonəqliyyat" ASC 2003-cü ildə yaradılıb. Onun nizamnamə kapitalı 130 348 manatdır.