Yuxarı
    Bağlamaq

    Azərbaycanın AIIB-də payı azalıb

    Azərbaycanın Bankda iştirak payı 254,1 mln. dollar civarındadır

    Bakı. 3 oktyabr. REPORT.AZ/ Bu ilin iyun-sentyabr ayları ərzində Azərbaycanın Asiya İnfrastruktur İnvestisiya Bankındakı (AIIB) iştirak payı 0,0107 faiz bəndi azalaraq 0,2851%-ə düşüb.

    “Report”un banka istinadən verdiyi xəbərə görə, bu, banka yeni üzv olan ölkələrin üzvlüklərinin ratifikasiyası ilə əlaqədardır.

    Məlumata görə, son 4 ayda rəsmi Bakının AIIB-də səsvermə hüququ da 0,0222 faiz bəndi azalıb. Hazırda Azərbaycanın səsvermə hüququ 0,5504% həddindədir.

    Azərbaycanın bankda iştirak payı 254,1 mln. ABŞ dolları həddindədir. Əlavə edək ki, iyulda İtaliyanın, avqustda isə Misirin AIIB-ə üzvlüyü ratifikasiya olunub.

    Xatırladaq ki, 2015-ci il iyunun 29-da Pekində 57 ölkə AIIB-in yaradılması üçün müqavilə imzalayıb. Azərbaycan tərəfindən bu müqaviləni maliyyə naziri Samir Şərifov imzalayıb. Rəsmi Bakının üzvlüyü isə 2016-cı il iyunun 24-də ratifikasiya edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi