Yuxarı

Azərbaycandakı BOKT-lardan biri yenidən kredit ittifaqı olub

Azərbaycandakı BOKT-lardan biri yenidən kredit ittifaqı olub

82

Maliyyə Bazarlarına Nəzarət Palatası BOKT lisenziyasının verilməməsinin səbəbini açıqlamır
© Report

Bakı. 14 iyun. REPORT.AZ/ Təxminən 1 il bundan əvvəl bank olmayan kredit təşkilatına (BOKT) çevrilmiş “Ağan Kredit İttifaqı” MMC (İmişli rayonu) yenidən əvvəlki təşkilati-hüquqi formaya qayıdıb və kredit ittifaqına çevrilib.

Bu barədə “Report” Vergilər Nazirliyinə istinadən xəbər verir.

Xatırladaq ki, sözügedən maliyyə qurumu BOKT kimi Vergilər Nazirliyində dövlət qeydiyyatından keçdikdən sonra nizamnamə kapitalının BOKT-lar üçün müəyyən edilmiş minimum tələbə uyğun - 300 min manat olmasını əsas gətirərək lisenziya üçün Maliyyə Bazarlarına Nəzarət Palatasına müraciət edib. Palata isə bu müraciətə mənfi cavab verib və İttifaqa əvvəlki təşkilati-hüquqi formaya qayıtmaq tövsiyə olunub. “Ağan”a BOKT lisenziyasının verilməməsinin səbəbi açıqlanmır.

Xatırladaq ki, “Ağan Kredit İttifaqı” 2011-ci ildə yaradılıb. Hazırda onun nizamnamə kapitalı 300 335 manatdır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi