“Azərbaycan Banklar Assosiasiyası” (ABA) İctimai Birliyinin “Ödəniş sistemləri və Alternativ Xidmət Kanalları üzrə” Ekspert Qrupu və İcbari Sığorta Bürosunun (İSB) nümayəndələri arasında görüş keçirilib.
“Report” ABA-ya istinadən xəbər verir ki, görüşdə Hökümət Ödəniş Portalı ilə “həyat sığortası” üzrə plastik kartlarla ödənilən sığorta haqları üçün xidmət haqqı tarifləri müzakirə olunub.
Xatırladaq ki, ABA-nı 1990-cı ildə banklar yaradıb. Əsas məqsəd üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdir. Hazırda 29 bank və 4 bank olmayan kredit təşkilatı ABA-nın üzvüdür.