Yuxarı

Azərbaycanda sentyabrda gömrük vergi və rüsumlarının toplanması 2 dəfədən çox artıb

Sentyabrda DGK xətti ilə dövlət büdcəsinə 227,65 mln. manat həcmində vergi və rüsumlar daxil olub

Bakı. 14 oktyabr. REPORT.AZ/ Bu ilin sentyabr ayında Azərbaycan Dövlət Gömrük Komitəsinin (DGK) xətti ilə dövlət büdcəsinə 227 649,9 min manat həcmində vergi və rüsumlar daxil olub ki, bu da 2015-ci ilin müvafiq dövrü ilə müqayisədə 127 350,87 min manat yaxud 2,27 dəfə çoxdur.

"Report"un Komitəyə istinadən verdiyi məlumata görə, hesabat ayında dövlət büdcəsinə daxil olan gömrük rüsumlarının həcmi ötən ilin analoji dövrü ilə müqayisədə 37 681,98 min manat yaxud 2,95 dəfə artaraq 56 971,8 min manat olub.

Həmçinin, ƏDV üzrə daxilolmaların həcmi 87 749,62 min manat yaxud 2,21 dəfə artaraq 160 300 min manat, aksizlər 1 142,86 min manat yaxud 16,78% artaraq 7 952,4 min manat, yol vergisi üzrə daxilolmalar isə 776,46 min manat və ya 47,08% artaraq 2 425,7 min manat təşkil edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi