Azərbaycanda problemli kreditlərin məbləği 1,7 mlrd. manatı keçib

Bakı. 9 aprel. REPORT.AZ/ Azərbaycanda vaxtı keçmiş kreditlərin məbləği bu il martın 1-nə 1 700,9 mln. manat təşkil edib.

“Report” Azərbaycan Mərkəzi Bankına istinadən xəbər verir ki, bu, fevralın 1-i ilə müqayisədə 0,3% çoxdur.

İlin əvvəlinə nisbətən problemli kreditlər 4,6%, ötən il martın 1-nə nisbətən isə 9,3% artıb.

Fevralın sonuna problemli kreditlərin ümumi kredit portfelində payı 14,7% təşkil edib. Bu nisbət yanvarın sonuna 14,55%, ötən ilin sonuna 13,8%, ötən il fevralın sonuna isə 9,8% təşkil edib.