Yuxarı
    Bağlamaq

    Azərbaycanda POS-terminalların 2/3-si paytaxtda cəmləşib

    Ölkə ərazisində quraşdırılan POS-terminalların ümumi sayı illik müqayisədə 82% artıb

    Bakı. 25 iyun. REPORT.AZ/ Azərbaycanda mövcud POS-terminalların ümumi sayı ötən ilin müvafiq dövrü ilə müqayisədə 82,4% artaraq 2015-ci il mayın 1-nə 78 039 ədədə çatıb.

    "Report"un Mərkəzi Banka istinadən verdiyi xəbərə görə, POS-terminalların 49 824 ədədi və ya 63,9%-i paytaxt Bakıda cəmləşib. POS-terminalların 28 215 ədədi və ya 36,2%-i regionların payına düşüb. POS-terminalların sayında paytaxt üzrə 52,8%, regionlar üzrə isə 3 dəfəyə yaxın illik artım müşahidə olunub.

    Hesabata əsasən, cari il mayın 1-nə ölkə əhalisinin hər 120 nəfərinə 1 POS-terminal düşüb. Qeyd edək ki, ötən ilin müvafiq dövründə bu göstərici 220 nəfər olub. 

    Bir POS-terminala düşən əməliyyatların orta aylıq həcmi isə illik müqayisədə 32,7% azalaraq 2015-ci il mayın 1-nə 1 434,3 manat təşkil edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi