Yuxarı
    Bağlamaq

    ​Azərbaycanda iqtisadi artım 2,8%-ə enib

    Qeyri-neft sektorunda istehsal 6,4% artıb, neft-qaz hasilatı və emalı sahələrində isə 1,8% azalıb

    Bakı. 14 noyabr. REPORT.AZ/ Bu ilin 10 ayında Azərbaycan iqtisadiyyatında 49,2 mlrd. manatlıq ÜDM istehsal edilib və onun həcmi əvvəlki ilin eyni dövrünə nisbətən 2,8% artıb. “Report”un xəbər verdiyi kimi, bu barədə Dövlət Statistika Komitəsinin məlumatında deyilir.

    Hesabat dövründə qeyri-neft sektorunda ÜDM əvvəlki ilin eyni dövrü ilə müqayisədə 6,4% artıb, neft-qaz hasilatı və emalı sahələrində isə 1,8% azalıb.

    ÜDM-in 61,1%-i istehsal sahələrində, o cümlədən 43,6%-i sənayedə, 12,3%-i tikintidə, 5,2%-i kənd təsərrüfatı, meşə təsərrüfatı və balıqçılıqda istehsal olunub, 31,7%-i isə xidmət sahələrinin payına düşüb.

    Xidmət sahələrində yaradılmış əlavə dəyərin 24,6%-i ticarət və nəqliyyat vasitələrinin təmiri, 15,1%-i nəqliyyat və anbar təsərrüfatı, 6,4%-i turistlərin yerləşdirilməsi və ictimai iaşə, 5,5%-i informasiya və rabitə xidmətləri sahələrində, 48,4%-i isə sosial və digər sahələrdə xidmətlər göstərən iqtisadi subyektlər tərəfindən təmin edilib. Məhsula və idxala xalis vergilər ÜDM-in 7,2%-ni təşkil edib.

    Qeyd edək ki, 2013-cü ilin yanvar-oktyabr aylarında ÜDM-in artım tempi 5,7% olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi