Yuxarı
    Bağlamaq

    ​Azərbaycanda bankların Mərkəzi Banka borcu kəskin artıb

    Bu öhdəliklərin 8%-i isə 7 kommersiya bankının payına düşür

    Bakı. 13 noyabr. REPORT.AZ/ Azərbaycan Mərkəzi Bankının (AMB) kommersiya banklarına qarşı tələblərinin 8,2%-i və ya 317,544 mln. manatı cəmi 7 bankın payına düşür. "Report"un bankların hesabatına istinadən verdiyi xəbərə görə, bu, "Bank of Baku", "Bank VTB (Azerbaijan)", "Kapital Bank", "Qafqaz İnkişaf Bankı", "Turanbank", "Silk Way Bank" ASC və "Accessbank" QSC-dir.

    Bankların balans hesabatlarına əsasən, cari il oktyabrın 1-nə AMB-nın "Bank of Baku"ya qarşı tələbləri 40 mln. manat, "Bank VTB(Azerbaijan)" üzrə 10 mln. manat, "Kapital Bank"da 103,7 mln. manat, "Qafqaz İnkişaf Bankı"nda 60 mln. manat, "Turanbank"da 63 mln. manat, "Accessbank"da 10 mln. manat, "Silk Way Bank"da 31 mln. manat təşkil edib.

    Qeyd edək ki, Mərkəzi Bankın "Paşabank" , "AFB Bank", "Azərbaycan Sənaye Bank" ASC-yə qarşı isə tələbi yoxdur. 

    Mərkəzi Bankın hesabatına istinadən, 2015-ci il oktyabrın 1-nə AMB-nin banklara məcmu tələbləri 3 859,6 mln. manat təşkil edib. Bu da öz növbəsində ilin əvvəli ilə müqayisədə 2,6 dəfə, martın 1-i ilə (devalvasiyadan sonra) müqayisədə isə 2 dəfə çoxdur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi